أدري قدر
ما ينفع بوجهه حذر
واش حيلتي غير الصبر
حلمت في غيمة انتظر
يمكن تجيني أو تمر
لكن على غصن الزهر
تركتني بموسم خريف
أذبل واموت
وما جيت لو رشة مطر
&&&&&&&&&&&&&
صوبك يدي مديتها
واطلقت لاحلامي العنان
ودروب ياما مشيتها
لاقيت بك برلأمان
اثرك بأحلامك بعيد
واثري مع اطيافك وحيد
تعبث بي احزاني وتعيد
مابه مع الغربة جديد
دامك هناك في الموعد الثاني سعيد
&&&&&&&&&&&&
تذكر حكاوينا زمان ؟
لامو زمان حتى إلى عهد قريب
يومك تقول
ماغيرك احتاج لأحد
و مني عهد مهما أغيب
تبقي معاي مااسلا وجودك للأبد
تعرف شعوري وقتها ؟
على نغمة وعودك غفيت
وعن واقعي بلحظة سهيت
وفجأة لفيت دقيت أجراس الرحيل
صحيت لي جروحي ومشيت
&&&&&&&&&&&
يمكن شفاقة قلتها وأنا بجنون صدقتها
كانت حكاوينا منى وصارت سراب
اتناوله بكفي وهم
واليوم في عمر الغياب
اتجرعه علقم وهم
دام الأماكن كلها صارت متاهات ومدى
ودام المشاعر هاجرت وماعاد لي حتى الصدى
كلي رحل والعمر ذاب واللي بقي بي وحدتي ونبضات آهات وعذاب
&&&&&&&&&&&&&
أعرف لقانا مستحيل
وادري سنين الفرقا ليل
والحلم تحقيقه يطول
وبالرغم من كل اليقين
فعمق الأماني والأمل
تشبثت مني الأصول
وكتبت بك عمري فصول
انت البداية والنهاية
وكل أبطال الرواية
لكنك انته ما قويت
قريت كم صفحة وطويت
يسرعة مليت الخيال
ودورت لك واقع بديل
&&&&&&&&&&&&&
قد شفت ميت يبتسم
مذبووووح ومع كل الألم
يرقص فرح
فوق الدموع
على صوت أنات الضلوع؟
هذا أنا
خطوة عنا ترقص على شوك وجمر
وخطوة هنا ترقص وفا لاغلى بشر
رغم الشجن ماهمها
لوكل قطرة بدمها لاجلك تسيل وتنتثر
وكل الأماني عندها تغمرلك آفاقك عطر
&&&&&&&&&&&&&&
أحياك انا باحساس وافي ماقسى
يفدااااك حزني لويطوووول
ويفدااااك عمري لويزوووول
كلما طريت بخافقي
واش هو طريت ؟
أصلا مع نبضي سريت
مع كل إشراقة صباح
ومع طول وحشات المسا
أتنفسك وادعي عسى
الله يتمم لك هناك
ويسعدك ويحقق مناك
ويشفي جراحي والأسى
&&&&&&&&&&&&&[center]
الخميس أبريل 10, 2008 10:03 am
