جاني الخبر يا صاحبي واظلم الكون قدام عينـي ثـم نطقـت الشهادة
على العموم أقولها ألف مليـون مبروك من قلـب شكالـك أبعاده
مبروك لا يهمك سوا ليف وضنـون من عاشق(ن) يهديك فرحة فـؤاده
سو الفرح اليوم وإبليس ملعـون واللي يشب النـار يجنـي رمـاده
أنا أول العالم على القصـر يلفـون أول معازيـم الـفـرح والحدادة
ابشر أنا برقص على العرس بالهون كـلٍ يعبر عن فرحتـه باجتهـاده
لو البلا رقصي يقولـون مزيـون المشكلة القلـب يفـضـح وداده
يوم العذارى فـي دخولـك يفنون وعروستك بأحلى ثوانـي السعادة
كنـت أتمنى بدالهـا والله أكون وأحط أنا كفي تحت راسك وسـاده
واشلون أبكتم صرختي يوم تمشون تكفى ..خذنـي للعروسة أقلادة
حتى معازيم الفرح قاموا يمشـون وأصبحت أنا وحدي بدون استفادة
وطفو علي النور من غير يـدرون قصر الفرح يا قبر(مهـا) ومهـاده
وصيتي لو جاك بنت وأنا أمون سميتها لك (مهـا) قبـل الولادة